ТАЯН НУУРЫН УУРХАЙ

Таян нуурын уурхай нь Говь-Алтай аймгийн Цээл сумын нутагт Алтайн уулсын дов, толгод хосолсон бүс нутагт оршдог. Тус бүс нутаг нь далайн төвшнөөс дээш 1,956-2,080 метрт байрладаг бөгөөд цэльсийн -40 градусаас +40 градус хүртэл хэлбэлздэг эрс тэс, хүйтэн ширүүн  уур амьсгалтай нутаг юм. Таян нуурын уурхай нь Улаанбаатар хотоос 1,300 км, БНХАУ-тай хил залгах Бургастайн боомтоос 168 км зайд оршдог.

Таян нуурын уурхайн гантиг чулууны цэвэр гарцын нөөц нь 77,913,500 тн ба уурхай нь жилд 10,000 м3 гантиг чулуу олборлох хүчин чадалтай.

Loading...




ГАНТИГ ЧУЛУУ

Алтайн гантиг чулуу нь Алтайн уулсын эр тэс уур амьсгалын дунд бүрэлдэн бий болж, хатуу ширүүн уур амьсгалыг тэсвэрлэх онцгой шинж чанарыг өөртөө агуулсан байгалийн сор бүтээл билээ. Тиймээс тус гантиг чулуу нь барилгын гадаад, дотоод засалд тохиромжтойгоос гадна гоёмсог цагаан өнгөтэй, талстад, гэрэл нэвтрүүлэх чадвартай бүтээгдэхүүн юм. Уг гантиг нь хүний биед ямар нэг сөрөг нөлөөгүй цэвэр байгалийн бүтээгдэхүүн бөгөөд таны гэр, албан тасалгаанд Алтайн уулсын онцгой уур амьсгалыг бүрдүүлж чадах төгс бүтээл байх болно




Loading...
Алтайн гантиг нь цагаан өнгөтэй, гэрэл нэвтрүүлэх чадвартай, талстад чулуу юм. Уурхайн гантиг чулууны гарцын зарим үед цайвар саарал туяатай гантиг байх хэдий ч нийт уурхайн нөөцийн тэн хагасыг цагаан гантиг эзэлж байгааг судалгааны дүнгээр тогтоогоод байна.
Алтайн гантиг нь байгалийн эрс тэс уур амьсгалд удаан элэгдэх онцгой чулуу юм. Гантиг чулууны ус нэвчилтийг эсэргүүцэх чадвар нь маш сайн буюу 0.08% - 0.3% байгаа нь АНУ-д баримтлагдаж буй барилгын материалд хэрэглэгдэх гантиг чулууны стандартыг хангаж байна. Мөн гантиг чулууны хөлдсөний дараах даралт тэсвэрлэх чадвар нь 44.3 МПа буюу сайн гэсэн дүнг олон улсын лабораторийн шинжилгээгээр батлаад байна.
Алтайн гантиг нь хүний биед сөрөг нөлөөгүй байгалийн цэвэр бүтээгдэхүүн юм. Гантиг чулууны цацраг идэвхт туяаны ялгаруулалт нь бусад гантигтай харьцуулахад маш бага буюу хүний биеийн хүлцэх хэмжээнээс 15 дахин бага байна.
Алтайн гантиг нь талстад бүтэцтэй хэдий ч барьцалдах чадвар сайтай, уян хатан чулуу юм. Гантиг чулууны нягт нь 2.7 кг/м3 ба уян хатан чанар нь 6.93 МПа байгаа нь АНУ-д баримтлагдаж буй барилгын материалд хэрэглэгдэх гантиг чулууны стандартыг хангаж байна. Тус гантиг нь барилгын материалд хэрэглэгдэхээс гадна, уран барилга, сийлбэрийн бүтээгдэхүүнд мөн адил тохиромжтой юм.
Алтайн гантиг нь кальциар баялаг бүтээгдэхүүн бөгөөд химийн бүтцийн 90-99 хувь нь CaCo3 байна. Тиймээс уг бүтээгдэхүүн нь шохойн чулууны нунтаг буюу цементийн үйлдвэрлэлд нэн тохиромжтой юм. Шохойн чулууны нунтаг нь мал, амьтны тэжээл, хөрс, ойн арчилгаа зэрэг хөдөө аж ахуйн бүтээгдэхүүнүүд болон цаас, будаг, хуванцрын үйлдвэрлэлд өргөн ашиглагддаг юм.